Ю.А.Гагарин  атындағы  жалпы  орта  мектебінде  Облыстық  білім  беру  басқармасының  2018  жыл  10-сәуірдегі  №15-4-8/1084  санды  хатына  сәйкес мектебімізде   «Міндетті  мектеп  формасына  қойылатын  талаптар» туралы жалпы   ата-аналар  жиналысы  болып  өтті.

 

                                                       Күн   тәртібінде:

Қазақстан  Республикасы  Білім  және  Ғылым  министрлігінің «Міндетті  мектеп  формасына  қойылатын  талаптар»  №26  бұйрығының  3-бөліміндегі  25,26,27  тармақтарын  ата-аналарға  таныстыру.  Хабарламашы  мектеп  директорының  тәрбие  жөніндегі  орынбасары  Анесова  Ш

 

  Тыңдалды:

Ш.Анесова  -  мектеп  директорының  тәрбие  жөніндегі  орынбасары:      Қазақстан Республикасы Білім және ғылым министрінің 2016 жылғы 14 қаңтардағы № 26 бұйрығына сәйкес аталған талаптар «білім берудің зайырлы сипатын іске асыруға және орта білім беру ұйымдары білім алушыларының арасында әлеуметтік, мүліктік және басқа да өзгешеліктердің белгілерін жоюға бағытталған».

   «Мектеп формасының үлгісі, түсі классикалық стильде, бірыңғай түс гаммасында жасалады, үшеуден асырмай түстерді араластыруға рұқсат етіледі. Мектеп формасының түсі қалыпты және ашық емес түстерден таңдалады. Мектеп формасы білім алушылардың жас ерекшеліктеріне қарай енгізіліп, күнделікті, мерекелік және спорттық болып бөлінеді», - делінген құжатта.

    Ұлдардың мектеп формасы: пиджак, жилет, шалбар, мерекелік жейде, күнделікті жейде (қысқы мезгілде: трикотаж жилет, водолазка). Ұлдарға арналған шалбарлар еркін тігілген және ұзындығы бойынша тобықты жауып тұрады.

    Қыздардың мектеп формасы: пиджак, жилет, юбка, шалбар, классикалық жейде (қысқы уақытта: трикотаж жилет, сарафан, водолазка). Қыздарға арналған шалбарлар еркін тігілген және ұзындығы бойынша тобықты жауып тұрады.

     Ұлдардың мерекелік формасы күнделікті формаға қосымша ақ жейдеден, қыздар үшін ақ түсті блузкадан құралады.Мектеп формасына классикалық пішіндегі мектеп формасының негізгі түсіне сәйкес немесе кереғар келетін галстук тігіледі.

«Мектеп формасына түрлі конфессияларға қатысты киім элементтерін қосуға болмайды», - делінген хабарламада.

Мектеп формасына орта білім беру ұйымының ерекшелік белгілерін (белгілер, тігіспелер және т.б.) салуға болады. Олар киімнің немесе аксессуардың (пиджак, жилет, галстук) жоғарғы бөлігінде орналасады.

  Мектеп формасына қойылатын талаптар климаттық жағдай, оқу сабақтарының өткізілу орны және оқу ғимаратындағы температуралық режим ескеріліп, іске асырылады.  Сондай-ақ, жарақаттайтын фурнитурасы бар киім мен аксессуарлар киюге тыйым салынады.

   Ұлдар мен қыздарға арналған спорттық форма спорттық костюмнен (спорттық шалбар, куртка, футболка), спорттық аяқ киімнен (крассовка, кеды) тұрады.  Мектеп формасының матасы ретінде қасиеттері жақсартылған жартылай жүн және мақта, киіске төзімді, антибактериалдық, антимикробтық және антистатикалық қасиеттері бар маталар қолданылады.

  Мектеп формасының түсін, фасонын таңдауды және юбканың ұзындығын орта білім беру ұйымы мен қоғамдық кеңес айықындайды, жалпымектептік ата-аналар жиналысының хаттамасымен бекітіледі.

 

                                             Сөйлеушілер:

  1. Бегалиева Сәулеш – ата –ана: Менің  немерем  4-сыныпта  оқып  жатыр. Бүгінгі  жиналыстағы  күн  тәртібіндегі  қаралып  отырған  мәселе  өте  орынды.  Жалпы  мектеп  оқушылары  үшін  жыл  басында  тиімді  мектеп  формасы  сақталуда. Өте  қуанарлық  жағдай. Биылғы  оқу  жылындағы  мектеп  формасын  жаңартамыз.

2.Сұлтанғалиева  Г – ата-ана: Күн  тәртібіндегі  мәселе  орынды  қаралып  отыр.  Балаларымыз  үшін  мектеп  формасы  жыл  сайын  қымбаттап  отырады.  Бірыңғай  мектеп  формасы  бізге  ата-аналар  үшін  өте  тиімді.

3.Султанова  Айнұр – ата-ана:  Мектепте  4  балам  оқиды.  Көп  балалы  отбасымыз.  Бүгінгі  жиналыста  айтылып  отырған  мектеп  формасы  мәселесін  менде  бір  ауыздан  қолдаймын. 

4.Нарынбаева  Армангүл  - ата-ана:  Менің  де  4  балам  осы  мектепте  білім  алып  отыр.  Бірыңғай  мектеп  формасы  біздер  үшін  өте  тиімді.  Мектептің  талабын  орындап  отырамыз.

 

Жиналысты  қорытындылай  келе  Қаулы  етеді:

1.2018-2019  оқу  жылында  ҚР-ның  білім  туралы  заңындағы  «Орта  білім  беру  ұйымдарында  міндетті  мектеп  формасына  қойылатын  талаптар»  туралы  ереженің  4-ші  тармағын  басшылыққа  ала  отырып,  ата-аналардың  келісімімен  мектеп  формасын  сақтап, ескірген  жағдайда  жаңарту  ата-аналарға  міндеттелсін.

2.Жаңа  оқу  жылына  дейінгі  мектеп  формасын  қадағалап,  ата-аналармен  жұмыс  жүргізу  сынып  жетекшілеріне  міндеттелсін.

3.Мектеп  формасын  қадағалап,  басшылық  жасау тәрбие  жөніндегі  орынбасар  Ш.Анесоваға  жүктелсін

 


 

№ исх: 15-4-10/560 от: 04.03.2016

№ исх: 02-5/81 от: 27.02.2016 

 

Орта білім беру ұйымдары

үшін міндетті мектеп

формасына қойылатын

талаптарды бекіту туралы

 

 

«Білім туралы» 2007 жылғы 27 шілдедегі Қазақстан Республикасы Заңының 5-бабының 14-1) тармақшасына сәйкес БҰЙЫРАМЫН:

  1. Қоса беріліп отырған Орта білім беру ұйымдары үшін міндетті мектеп формасына қойылатын талаптар бекітілсін.
  2. Мектепке дейінгі және орта білім, ақпараттық технологиялар департаменті (Ж.А. Жонтаева) заңнамада белгіленген тәртіппен:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрықты Қазақстан Республикасы Әділет министрлігінде мемлекеттік тіркеуден өткеннен кейін күнтізбелік он күн ішінде мерзімді баспа басылымдарында және «Әділет» ақпараттық-құқықтық жүйесінде ресми жариялауға, сондай-ақ Қазақстан Республикасы нормативтік құқықтық актілерінің эталондық бақылау банкінде орналастыру үшін «Қазақстан Республикасы Әділет министрлігінің Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнына жолдауды;

3) осы бұйрықты Қазақстан Республикасы Білім және ғылым министрлігінің ресми интернет-ресурсында орналастыруды;

4) Қазақстан Республикасы Әділет министрлігінде мемлекеттік тіркеуден өткеннен кейін он күн ішінде осы тармақтың 1), 2) және 3) тармақшаларында қарастырылған іс-шаралардың орындалуы туралы мәліметтерді Қазақстан Республикасы Білім және ғылым министрлігінің Заң департаментіне ұсынуды қамтамасыз етсін.

  1. Осы бұйрықтың орындалуын бақылау Қазақстан Республикасының Білім және ғылым вице-министрі Е.Н.Иманғалиевке жүктелсін.
  2. Осы бұйрық алғашқы ресми жарияланған күнінен бастап күнтізбелік он күн өткен соң қолданысқа енгізіледі.

 

 

Қазақстан Республикасы

 Білім және ғылым министрі                                   А. Сәрінжіпов

 

Қазақстан Республикасы

Білім мен ғылым министрінің

2016 жылғы «14» қаңтардағы

№ 26 бұйрығымен бекітілген

 

Орта білім беру ұйымдарында

міндетті мектеп формасына қойылатын талаптар

 1.Жалпы ережелер

 

  1. Осы орта білім беру ұйымдарында міндетті мектеп формасына қойылатын талаптар (бұдан әрі – Талаптар) «Білім туралы» 2007 жылғы 27 шілдедегі Қазақстан Республикасы Заңының 5-бабының 14-1) тармақшасына сәйкес білім алушыларды сапалы мектеп формасымен қамтамасыз ету мақсатында әзірленді.

Жоғарыда аталған Талаптар білім берудің зайырлы сипатын іске асыруға және орта білім беру ұйымдары білім алушыларының арасында әлеуметтік, мүліктік және басқа да өзгешеліктердің белгілерін жоюға бағытталған.

  1. Осы Талаптарда мынадай негізгі ұғым қолданылады:

орта білім беру ұйымы – бастауыш, негiзгi орта, жалпы орта бiлiмнің жалпы бiлiм беретін оқу бағдарламаларын, мамандандырылған жалпы білім беретін және арнайы оқу бағдарламаларын iске асыратын оқу орны.

  1. Талаптардың мақсаты – міндетті мектеп формасын қолдануда орта білім беру ұйымдарының бірыңғай келісімін қамтамасыз ету, ата-аналардың мектеп формасына жағымды қатынасын қалыптастыру, оқытудың зайырлы сипатын сақтауда оқу орны басшыларының және қоғамдық кеңестердің (мектеп кеңесі, қамқоршылық кеңес, ата-аналар комитеті) жауапкершілігін арттыру.
  2. Міндетті мектеп формасына қойылатын талаптар орта білім беру ұйымдарының фойесінде ілінеді, ал таныстыру мақсатында орта білім беру ұйымдарының Интернет-ресурстарында жарияланады.

 

 2.Орта білім беру ұйымдарындағы

міндетті мектеп формасына қойылатын талаптар

 

  1. Орта білім беру ұйымдарының міндетті мектеп формасы (бұдан әрі – мектеп формасы) оқытудың зайырлы сипатына сәйкес келеді. Мектеп формасының үлгісі, түсі классикалық стильде, бірыңғай түс гаммасында жасалады, үшеуден асырмай түстерді араластыруға рұқсат етіледі. Мектеп формасының түсі қалыпты және ашық емес түстерден таңдалады.
  2. 6. Мектеп формасы білім алушылардың жас ерекшеліктеріне қарай енгізіледі.
  3. Мектеп формасы күнделікті, мерекелік және спорттық болып бөлінеді.
  4. Ұлдардың мектеп формасы:

пиджак, жилет, шалбар, мерекелік жейде, күнделікті жейде (қысқы мезгілде: трикотаж жилет, водолазка). Ұлдарға арналған шалбарлар еркін тігілген және ұзындығы бойынша тобықты жауып тұрады.

  1. Қыздардың мектеп формасы:

пиджак, жилет, юбка, шалбар, классикалық жейде (қысқы уақытта: трикотаж жилет, сарафан, водолазка).

Қыздарға арналған шалбарлар еркін тігілген және ұзындығы бойынша тобықты жауып тұрады.

  1. Ұлдардың мерекелік формасы күнделікті формаға қосымша ақ жейдеден, қыздар үшін ақ түсті блузкадан құралады.
  2. Ұлдар мен қыздарға арналған спорттық форма спорттық костюмнен (спорттық шалбар, куртка, футболка), спорттық аяқ киімнен (крассовка, кеды) тұрады.
  3. Мектеп формасына классикалық пішіндегі мектеп формасының негізгі түсіне сәйкес немесе кереғар келетін галстук тігіледі.
  4. Мектеп формасына түрлі конфессияларға қатысты киім элементтерін қосуға болмайды. Орта білім беру ұйымында кез келген діни конфессияға қатынасын білдіретін діни киімдерді (хиджаб,никаб, бурка, паранжа, сикх тюрбандары және иудей кипа-бас киімдері және т.б ) және кез келген діни атрибутикаларды (белгілерді) киюге тыйым салынған.
  5. Мектеп формасына орта білім беру ұйымының ерекшелік белгілерін (белгілер, тігіспелер және т.б.) салуға болады. Олар киімнің немесе аксессуардың (пиджак, жилет, галстук) жоғарғы бөлігінде орналасады.
  6. Мектеп формасына қойылатын талаптар климаттық жағдай, оқу сабақтарының өткізілу орны және оқу ғимаратындағы температуралық режим ескеріліп, іске асырылады.
  7. Мектеп формасына қойылатын талаптар бойынша жарақаттайтын фурнитурасы бар киім мен аксессуарлар киюге тыйым салынады.
  8. Мектеп формасын енгізу барысында мата құрамына назар аударылады.
  9. Мектеп формасының матасы ретінде қасиеттері жақсартылған жартылай жүн және мақта, киіске төзімді, антибактериалдық, антимикробтық және антистатикалық қасиеттері бар маталар қолданылады.
  10. Мектеп формасының түсін, фасонын таңдауды және юбканың ұзындығын орта білім беру ұйымы мен қоғамдық кеңес айықындайды, жалпымектептік ата-аналар жиналысының хаттамасымен бекітіледі.
  11. 20.Мектеп формасына өзгерістер енгізу туралы шешім қоғамдық кеңеспен келісу арқылы қабылданады.
  12. Ата-аналар және өзге заңды өкілдер білім алушылардың орта білім беру ұйымында белгіленген мектеп формасын киюіне жауап береді.

 

3.Орта білім беру ұйымдарында

міндетті мектеп формасына қойылатын талаптарды орындау

 

  1. Орта білім беру ұйымының басшысы (бұдан әрі – Басшы) және қоғамдық кеңес (мектеп кеңесі, қамқоршылық кеңес, ата-аналар комитеті) міндетті мектеп формасын енгізу кезінде осы Талаптарды басшылыққа алады.
  2. 23.Ата-аналар мен өзге де заңды өкілдер мектеп формасы туралы мәселелерді талқылауға қатысады және оны жетілдіру бойынша ұсыныс енгізеді, оны кез келген сауда желісінен сатып алады.
  3. Облыстардың, Астана және Алматы қалаларының білім басқармалары, аудандық (қалалық) білім бөлімдері ата-аналарға мектеп формасын отандық мектеп формасын шығаратын өндірушілерден сатып алуды ұсынады, бірақ оларды нақты өндірушілерден сатып алуды міндеттемейді немесе оқу орнында форма сатуды ұйымдастырмайды.
  4. Басшы ағымдағы жылғы 25 мамырға дейін мектеп формасының бекітілуін қамтамасыз етеді.
  5. Басшы білім алушылардың мектеп формасын сақтауы мәселесін қоғамдық кеңестің талқылауына шығарады.
  6. Басшы осы Талаптармен ата-аналарды немесе заңды өкілдерді білім алушыны білім беру ұйымына қабылдау туралы өтініш (еркін нысанда) беру кезінде қол қойғызу арқылы және жалпы мектептік ата-аналар жиналысында таныстырады.